May 13th Month Ka Na? Mga Kadalasang Itinatanong tungkol sa 13th month pay

1. Ano ang 13th month pay?

Ang 13th month pay ay isang uri ng cash compensation na nirerequire ng batas na ibigay ng employer sa mga empleyado. Ito ay base sa Presidential Decree No. 851, s. 1975 (Requiring All Employers to Pay their Employees a 13th Month Pay).

2. Kailan ibinibigay ang 13th month pay?

Ito ay ibinibigay sa mga empleyado bago sumapit ang bisperas ng Pasko, on or before December 24 ng taon. Maaaring ibigay ng employer ang kalahati ng 13th month pay sa kalagitnaan ng taon, habang ang kaakibat na kalahati ay maaring ibigay bago mag-Pasko, basta on or before December 24 ng taon. Maaari rin itong ibigay base sa magiging kasunduan kung sakaling may unyon, basta maibibigay ito on or before December 24 ng taon.

3. Sino-sino ang mga maaaring makatanggap ng 13th month pay?

• Rank and file employees (non-managerial)
• Mga empleyadong may fixed/guaranteed wage
• Mga empleyadong sumasahod via piece rate/per piece basis (hindi base sa oras ng nagawa kundi sa dami)
• Government employees na nagtratrabaho rin sa pribadong sektor
• Private school teachers

4. Sino ang mga hindi required mabigyan ng 13th month pay?

• Managerial-level employees
• Government employees na exclusive na nagtratrabaho lamang para sa gobyerno
• Mga empleyado ng government-owned corporations at subsidiaries
• Mga empleyado na commission-based, boundary-based, or per task basis tulad ng mga jeepney/tricycle drivers, freelancers, pati na rin ang mga kasambahay.

5. Lahat ba ng employer ay required magbigay nito?

Hindi lahat ng employer ay required magbigay ng 13th month pay. Tulad ng nakalagay sa sagot sa question #4, ang government; government-owned at government-controlled corporations; mga may empleyadong pang-personal na serbisyo; household employers; employers na kumikita based sa commission, boundary, or task-basis ay exempted sa batas ng pagbibigay ng 13th month pay sa kanilang mga empleyado.

6. Ano ang distressed employers?

Sila ay mga employers na nagkaroon ng malalaking pagkalugi, pati na rin ang non-profit institutions o organizations na nagkaroon ng mahigit sa 40% normal income loss sa loob ng magkasunod na 2 taon. Ngunit sa ngayon ay wala nang exempted sa pagbibigay ng 13th month pay, kahit pa ang mga employers na lubhang apektado ng nangyaring pagsasara o pagkalugi dahil sa pandemya.

7. Magkano ang dapat kong matanggap na 13th month pay? Ano ang pro-rated?

Ang kaukulang halaga na dapat matanggap ng mga empleyado para sa kanilang 13th month pay ay base sa kanilang basic pay o ang kanilang regular na kita. Pag sinabi namang pro-rated, ang pag-compute ng total na matatanggap ay base sa total na kinita ng empleyado sa mga buwan na nagtrabaho sya sa loob ng taon.

Halimbawa

---

EXAMPLE A (Perfect attendance, nagtrabaho ng isang buong taon)
Sahod per month = P20,000
Buwan na pumasok ang empleyado = 12 months

\begin{align*}\text{Total 13th month} &= \dfrac{\text{Sahod per month} \times \text{Buwan na pumasok}}{\text{12 months}}\\
&= \dfrac{\text{P20,000} \times \text{12 months}}{\text{12 months}} \\
&= \text{P20,000}
\end{align*}

Ang magiging 13th month pay para sa Example A ay P20,000

---

EXAMPLE B: PRO-RATED (Perfect attendance, hindi nagtrabaho ng buong taon)
Sahod per month = P20,000
Buwan na pumasok ang empleyado = 6 months

\begin{align*}\text{Total 13th month} &= \dfrac{\text{Sahod per month} \times \text{Buwan na pumasok}}{\text{12 months}}\\
&= \dfrac{\text{P20,000} \times \text{6 months}}{\text{12 months}} \\
&= \text{P10,000}
\end{align*}

Ang magiging 13th month pay para sa Example B ay P10,000

---

EXAMPLE C (may unpaid leaves, absences, deductions, nagtrabaho ng isang taon)
Sahod per month = P20,000
Buwan na pumasok ang empleyado = 12 months
Unpaid leaves, absences, deductions = P4,500

\begin{align*}
\text{Net amount} &= (\text{Sahod per month} \times \text{Buwan na pumasok})\\
&- \text{Unpaid leaves}\\
&- \text{Absences}\\
&- \text{Deductions}
\end{align*}

\begin{align*}
\text{Total 13th month} &= \dfrac{\text{Net amount}}{\text{12 months}} \\
&= \dfrac{\text{(P20,000 x 12 months)}- \text{P4,500}}{\text{12 months}} \\
&= \text{P19,625}
\end{align*}

Ang magiging 13th month pay para sa example C ay P19,625

---

EXAMPLE D: PRO-RATED (may unpaid leaves, absences, deductions, hindi nagtrabaho ng buong taon)
Sahod per month = P20,000
Buwan na pumasok ang empleyado = 4 months
Unpaid leaves, absences, deductions = P4,500

\begin{align*}
\text{Net amount} &= (\text{Sahod per month} \times \text{Buwan na pumasok})\\
&- \text{Unpaid leaves}\\
&- \text{Absences}\\
&- \text{Deductions}
\end{align*}

\begin{align*}
\text{Total 13th month} &= \dfrac{\text{Net amount}}{\text{12 months}} \\
&= \dfrac{\text{(P20,000 x 4 months)}- \text{P4,500}}{\text{12 months}} \\
&= \text{P6,291.67}
\end{align*}

Ang magiging 13th month pay para sa example D ay P6,291.67